Dirección e guión: Lucía Estévez
Produción executiva: Nati Juncal Portas
Produtora: Cósmica Producións
Coa subvención ao desenvolvemento de proxectos audiovisuais e a subvención de creación audiovisual e promoción do talento audiovisual de AGADIC
Proxecto desenvolvido en:
Vigo, 1980. María (17) pasa as súas horas na loita estudantil e nas manifestacións de Pases pro bus. Baixo a sombra dun pai ausente, vive coa súa nai, a súa avoa e os seus irmáns. A rutina de María cambia cando comeza a traballar na oficina dun taller de coches, propiedade dunha amizade da familia. Unha decisión que toma a súa nai para evitar que pase tanto tempo na rúa.
O taller preséntase como un espazo hostil que cambia cando María descobre un buraco nunha das paredes. Comeza a acudir ás agachadas para observar a un grupo de bailaríns que ocupan a nave contigua. A súa atención céntrase en Cristina. O que María non sabe, é que a ela tamén a observan desde o outro lado.
