en desenvolvemento
Produtora Cósmica producións
Dirección Lucía Estévez
Produción executiva Nati Juncal Portas
Coa financiación de Axencia Galega das Industrias Culturais (Xunta de Galicia)
Proxecto seleccionado en Torino Film Lab.
A historia dun encontro amoroso efémero nun caloroso verán na cidade de Vigo nos anos 80, en plena efervescencia da Movida Viguesa.
Manuel vive só co seu pai Vicente dende a morte da súa nai nun accidente de coche no que viaxaba soa. Ambos homes conviven co silencio e a distancia nunha casa familiar que os asfixia, sen aceptar na súa totalidade o que aconteceu. Manuel pasa a maior parte do tempo no barrio cos amigos e nas manifestacións violentas de estudantes pola baixada do prezo do autobús. Vicente, ao contrario, pasa a maior parte do tempo en casa e no taller de coches onde traballa dende hai anos. Por mor dun accidente laboral, Vicente vese na obriga de descansar unhas semanas ata recuperarse. Manuel entra ao negocio a substituilo. Nunha das paredes do taller, Manuel atopa un burato a través do que pode observar a nave contigua: un espazo baleiro, escuro e sucio ocupado por tres bailaríns. Os tres corpos danzan e Manuel observa na distancia. O seu interese céntrase especialmente en Pablo, do que queda prendado, con necesidade de observalo cada día que acude ao traballo.
